Vatra e re e koronavirusit që shpërtheu në mjekësinë interne në QSUT u ka marrë jetën deri tani katër personave.
Sipas Ministrisë së Shëndetsisë e moshuara 85 vjece ka ndërruar jetë nga komplikacione të rënda kardiake shkaktuar nga virusi Sars-Cov-2 duke e cuar numrin e rasteve fatale në 34. Ajo ishte e transferuar nga mjekësia interne në spitalin Infektiv.
Në buletinin e përditësuar të Ministrisë së Shëndetsisë njoftohet se janë zbuluar në 24 orët e fundit 20 raste të reja me covid 19 ku vatra më e nxehtë mbetet kryeqyteti.
Ndërkohë në spitalin e vetëm COVID në QSUT ka patur shtim të rasteve të shtruara dhe atyre në terapi intensive ku sipas MSH-së janë në gjendje të rënduar 6 pacientë, njëri intubuar mes tyre edhe një tjetër paciente e moshuar e sjellë nga Shërbimi i Mjeksisë Interne.