Gjykata e Palermos në Itali ka caktuar masën e sigurisë ‘Arrest me burg’, për ekonomistin italian, Fabio Petruzello, i cili u arrestua disa ditë më parë së bashku me ekonomistin tjetër italian, 90-vjeçarin Francesco Zumma, të cilët akuzohen për ‘Pastrim parash’, në bashkëpunim me biznesmenin shqiptar, Rezart Taçi. Ata akuzohen se kanë kryer transferimin e plot 19 milion eurove nga një bankë greke në Tiranë.
Kujtojmë se në Shqipëri është shpallur në kërkim biznesmeni Rezart Taçi dhe janë lënë në burg kunati dhe shoferi i ish-bosit të naftës, të cilët Prokuroria e Posaçme kundër Krimit e Korrupsionit po i heton në cilësinë e të dyshuarve si pjesë e grupit kriminal të pastrimit të 18 milion eurove.
Këto para i përkasnin bosit të Cosa Nostrës Francesco Zummo, ndaj të cilit antimafia italiane ka vendosur masën e sigurisë “arrest në shtëpi”, për llogari të këtij hetimi. Për Rezart Taçin SPAK i ka kërkuar Interpolit gjetjen dhe arrestimin e tij.