Një numër i vogël, por në rritje destinacionesh po heqin të gjitha kufizimet e udhëtimit të lidhura me Covid-in, pavarësisht nga statusi i vaksinimit.
Mbretëria e Bashkuar, Irlanda dhe Hungaria hoqën të gjitha kufizimet e udhëtimit këtë muaj. Ishulli i Karaibeve Aruba, arkipelagu portugez Madeira dhe Mongolia e Azisë veri-qendrore kanë hequr gjithashtu masat anti-covid për hyrjen në vend.
Ata i bashkohen Islandës , Norvegjisë dhe Sllovenisë , të cilat të gjitha i hoqën rregullat e tyre Covid në shkurt.
Vende të tjera do të vëzhgojnë nga afër për të matur suksesin ose dështimin e këtyre lëvizjeve ndërsa Omicron vazhdon të përhapet në mbarë botën.
Maska në aeroplan
Disa linja ajrore në Mbretërinë e Bashkuar, sapo kanë bërë opsionale vendosjen e maskave për pasagjerët dhe ekuipazhin në disa fluturime.
Mbajtja e maskave ka qenë një çështje e diskutueshme në avionë gjatë dy viteve të fundit. Administrata e Sigurisë së Transportit të SHBA-së ka lëshuar më shumë se 644,000 dollarë gjoba për shkelje të supozuara të maskave që nga shkurti 2021.