Pas takimit me Monika Kryemadhin, kreu i PD-së Lulzim Basha ka shprehur vendosmërinë e opozitës për të anuluar çdo PPP dhe koncesion që sipas tyre është korruptiv.
Referuar konçesioneve të Milot-Balldren dhe Orikum-Vlorë, Basha tha se këto quhen “vjedhje me ligj”, ligji po bëhet për të vjedhur.
Lexo edhe- PD raporton 30 qershorin te ndërkombëtarët, aleatët: Prova konkrete që implikojnë PS
“Kjo vërteton atë që kemi thënë prej kohësh që me Edi Ramën nuk do të ketë as zhvillim, as mirëqënie, as punësim, po vetëm vjedhje dhe grabitje. Sa më shpejt ta largojmë këtë qeveri dhe këtë kryeministër hajdut që përdor një nga ato që mund të ishte institucioni kryesor i përfaqësimit të njerëzve si noter hajduterie. Ky është një nga shqetësimet kryesore të kësaj radhe. Kemi vendosur ta denoncojmë deri në fund këtë aferrë sikundër të mbajmë shënim këdo që bëhet pjesë e kësaj skeme pandëshkueshmërie, qofshin këta pseuodeputetë, prokuror. Një gjë është e sigurtë nuk kanë për t’i marrë dot këto para të shqiptarëve”, tha Basha.
Nderkohe, sezoni i ri politik që sapo ka nisur, pritet të kulmojë me protesta në çdo qytet dhe në Tiranë, të cilat do të jenë të mëdha dhe agresive sipas eksponentëve të opozitës.
Kete e ka bere te ditur dje edhe kreu i LZHK-së, Dashamir Shehi, i cili ka thene ne nje prononcim per mediat se “rruga e protestës mbetet kryesorja për opozitën shqiptare, në kushtet e krizës politike”.
