Viti 2019 ka nstres për kompaninë e njohur Apple, pasi shitjet e produkteve të saj janë ngadalësuar. Shkak I kësaj është rënia e ekonomisë në Kinë. Prodhuesi i “iPhone” njoftoi se të ardhurat e kompanisë për tre muajt e fundit, deri më 29 dhjetor, ishin 84 miliardë dollarë.
Apple kishte parashikuar të paktën 89 miliardë dollarë të ardhura në nëtor, një parashikim që edhe në atë kohë kishte zhgënjyer investitorët. Aksionerët e Apple humbën më shumë se 7 për qind në bursa pas njoftimit.
Sezoni festiv, zakonisht është tremujori më fitimprurës për Apple. Por, të ardhurat prej 84 miliardë dollarësh shënojnë një rënie prej thuajse 5 për qind.
Drejtori ekzekutiv Tim Cook tha se, problemet me shitjet e kompanisë ishin të lidhura kryesisht me rajonin e Kinës së madhe, që përfshin edhe Hong Kongun dhe Tajvanin, e që garanton zakonisht rreth 20 për qind të të ardhurave të Apple.
Por Cook shtoi se tregjet e zhvilluara kanë njohur po ashtu probleme, pasi më pak konsumatorë nga sa pritej kanë zgjedhur të blejnë telefonë të rinj.