Kreu i Bindjes Demokratike, Astrit Patozi ka dalë me një reagim të fortë ndaj PD, e cila në gazetën e saj shkruan se Jozefina Topalli, Myslim Murrizi, Rudina Hajdari dhe Astrit Patozi janë kukulla të Ramës.
Me ironi Patozi i drejtohet duke i thënë ‘me krahë të lehta Lul’ dhe i përgjigjet se meqenëse duan luftë, luftë do të kenë.
Postimi i plotë:
ME KRAHË TË LEHTA, LUL!
1-PS është prej kohësh në fushatë për të mundur prapë Lulin, Berishën dhe Monikën, se Iliri u duhet ende President. Thonë se janë në kërkim të mandatit të tretë dhe timonit të dytë.
2-Edhe LSI nuk mbetet pas. Si shtëpi me dy porta që janë, i kanë në sulm me të gjithë arsenalin e vet, si Ilirin, ashtu dhe Monikën. Qëllimi është një dhe i vetëm, të largojnë Edi Ramën nga kryeministër
3-Ndërsa Luli me trimat e vet e kanë nisur fuqishëm betejën për të rrëzuar Patozin, Topallin, Murrizin etj.
Me krahë të lehta, mor çuna! Luftë doni, luftë do të ketë! Secili e zgjedh me dëshirë dhe me aq mend sa ka objektivin e vet për 25 prillin.