Pa gola u mbyll super sfida Shqipëri-Serbi në “Arenën Kombëtare”, në atë që cilësohej ndeshja më e rëndësishme e kësaj fushate kualifikuese të Botërorit 2026. Sfida e cila kishte shumë tension nga ana e tifozëve dhe të vetë historisë, nisi me ritëm të lartë nga të dyja skuadrat, por kuqezinjtë ishin më agresivë, duke tentuar disa herë drejt portës me Mitajn dhe Laçin. Gjithsesi, shansi më i artë ishte në fndin e pjesës së parë, me Hysajn që fitoi një 11-metërsh, por Rey Manaj u ndal nga Petrovic. Pjesa e dytë, ishte gjithashtu me ritëm të lartë, me Brojën dhe…
Author: tirana
Në nisje të ndeshjes Shqipëri-Serbi, teksa këndohej himni serb, fëmijët që shoqërojnë futbollistët gjatë daljes në fushë, kanë bërë me duar shqiponjën, dhe fotot e tyre po bëjnë xhiron e rrjete sociale. Shumë fëmijë sot janë përfshirë në atmosferën e super sfidës.
Shqipëria po përballet me Serbinë në stadiumin ”Air Albania”, një ndeshje shumë e rëndësishme për rrugëtimin e kuqezinjve drejt Botërorit 2026. Sakaq, kur u luajt himni serb, në kor tifozët kuqezi vërshëlluan kundër, edhe me sharje. Stadiumi është i mbushur plotë me tifozë kuqezi, që kanë ardhur jo vetëm nga qytete të ndryshme të Shqipërisë, por edhe nga Kosova dhe Maqedonia. Ndërkohë himni kuqezi u këndua në kor nga 22 mijë tifozë. Pjesa e parë u mbyll me një trishtim për humbjen e penalltisë nga ana e Manajt, por ekipi kuqezi zhvilloi një lojë të fortë, dominuese, por edhe nën…
Kreu i SPAK-ut, Altin Dumani, është i pranishëm në “Air Albania” në mbështetje të Shqipërisë, e cila po luan kundër Serbisë. Kombëtarja shqiptare e futbollit po luan kundër Serbisë, sfidë kjo e vlefshme për Grupin K kualifikues të Kupës së Botës 2026 (SHBA, Kanada, Meksikë). Sfida për shumë tifozë e tejkalon anën sportive dhe në pah del historia e trazuar mes popujve.
Tension të lartë. Përballja Shqipëri-Serbi është duke u luajtur, por tifozët kuqezi janë të ashpër në qëndrimet e tyre. Disa kanë hedhur gota plastike në fushë, dhe kjo bëri që të bëhet thirrja ”Mos hidhni objekte në fushë”.
Teksa minutat afrojnë tek nisja e sfidës Shqipëri-Serbi, janë shtuar në maksimum masat e sigurisë. Rreth e përqark stadiumit është ngritur një helikopter. Vlen të theksojmë se për këtë sfidë kualifikuese të Botërorit, ka një angazhim nga Policia e Shtetit, si asnjëherë më parë. Ndeshja Shqipëri-Serbi është e planifikuar të nisë me fillim nga ora 20.45.
Pak javë pasi u zyrtarizua si drejtori i ri sportiv i Milanit, Igli Tare duket se i ka lënë për pak mënjanë punët e tij dhe ka vendosur të udhëtojë për në Tiranë. Ish-kapiteni i Kombëtares, një tifoz thuajse i përhershëm i ekipit kuqezi, nuk ka munguar as në këtë duel historik me Serbinë. Tare u shfaq i shoqëruar nga djali i tij, të cilët të dy bashkë do të brohorasin për një fitore të Shqipërisë në “Arenën Kombëtare”, e cila do t’i ndihmonte shumë kuqezinjtë drejt ëndrrës “Botëror 2026”.
Zv/tranjeri i Shqipërisë, Ervin Bulku teksa komenton formacionin kuqezi, thotë se sot është më e rëndësishme të fitosh. ”E rëndësishme është që të fitojmë këtë ndeshje, kjo është më e rëndësishme se çdo gjë tjetër sot. Duhet të bëjmë gjithçka siç e kemi përgatitur, djemtë të japin maksimumin dhe pastaj t’ia lëmë fushës gjithçka. Mendoj që nuk është e njëjta atmosferë me 10 vite më parë. Ne kemi një atmosferë të mrekullueshme këtu, paqësore, djemtë që kërkojë të fitojmë ndeshjen asgjë më shumë. Jemi shumë të fortë, siç kemi qenë në Beograd”, tha Bulku para ndeshjes.
Grupimi “Tifozat Kuq e Zi” nuk do jenë në stadium për ndeshjen kundër Serbisë për shkak të një përplasje me FSHF-në. Ultrasit e Kombëtares do e ndjekin sfidën nga një ekran i madh në Bulevardin “Dëshmorët e Kombit”, teksa kanë ironizuar edhe FSHF-në. “Na hiqni biletat na vini përpara policinë, s’e vrisni dot zemrën që rreh për Shqipërinë”, shkruan TKZ.
Çunat e ekipit kuqezi kanë prekur fushën e “Air Albania”, teksa janë pritur me brohorima nga tifozët që janë futur në stadium, i cili sonte do të jetë kuqezi. Po ashtu në sfond dëgjohet edhe kënga ”Mora Fjalë”, një këngë e kthyer në himn tashmë të kombëtares.
Lojtarët serb kanë zbritur në fushë, ku sonte Kombëtarja do ti sfidojë për të marrë 3 pikë të vlefshme për rrugëtimin drejt Botërorit. Sakaq, në një stadium të mbushur vetëm me tifozë kuqezi, lojtarët serb janë vërshëllyer dhe në sfond dëgjohen këngë shqipe patriotike.
Një ndeshje historike është Shqipëri-Serbi që do të luhet prej orës 20:45 në ”Air Albania”, e rëndësishme për rrugëtimin e kuqezinjve drejt Botërorit 2026. Ekipi i Sylvinhos vjen pas një fitore 3-0 ndaj Andorrës në mars dhe do të kërkojë të shfrytëzojnë avantazhin e fushës dhe mbështetjen e tifozëve për të marrë pikët e plota. Sylvinho ka ndryshuar rreshtimin, duke hedhur në fushë Strakoshën në portë, Hysaj, Ajeti, Gjimshiti, Mitaj në mbrojtje. Mesfusha është e përbërë me surpriza, me shehun që nis titullar krah Asllanit, Laçit dhe Hoxhës, ndërsa sulmi përbëhet nga dyshja Manaj-Broja.