Klubi i futbollit Barcelona njoftoi se ka arritur marrëveshje me mbrojtësin 20-vjeçar Eric Garcia, duke e kthyer atë pas largimit nga klubi në vitin 2017 kur iu bashkua radhëve të skuadrës angleze Manchester City.
Barcelona bëri të ditur se kontrata pesëvjeçare me Garcia do të fillojë më 1 korrik pasi skadon marrëveshja e tij me City-n. Klauzola e blerjes në kontratën e tij është caktuar në 400 milionë euro.
Garcia është lojtari i dytë që largohet nga City pas Sergio Agüero disa ditë pasi humbi finalen e Ligës së Kampionëve për t’u bashkuar me Barcelonën e cila ballafaqohet me probleme financiare si agjentë të lirë pa një tarifë transferimi.
Garcia së pari do të bashkohet me skuadrën e Spanjës për Kampionatin Evropian. Ai është lojtar i rregullt i skuadrës kombëtare pavarësisht se nuk ishte në ekipin e City-t të trajnerit Pep Guardiola.
Rruga e karrierës së Garcia-s ndjek një nga mentorët e tij në Barcelonë, mbrojtësin veteran Gerard Pique.
- Pique u largua nga Barcelona si adoleshent drejt Manchester United dhe u kthye katër vjet më vonë në fillim të epokës dominuese të klubit katalanas nën drejtimin e Guardiolas.