Eduart Grishaj ka nisur një projekt të ri filmik si regjisor dhe nuk kishte si të mungonte në të mbështetësja e tij më e madhe, Arbana Osmani. Së bashku me pjesën tjetër të stafit të filmit, çifti kanë udhëtuar drejt Thethit për të xhiruar.
Eduarti ka ndarë në “Instagram” momente të ndryshme nga puna e tij, ndërkohë që nuk ka harruar as të kujdeset për Arbanën. Moderatorja ka postuar një çast intim me partnerin e saj dhe e ka shoqëruar me një shprehje që i ka bërë të gjithë për të qeshur. Ajo shihet duke përqafuar Eduartin, ndërsa ai i dhuron një puthje në ballë.
“Duke bërë filma (dhe fëmijë). Në xhirimin e filmit Sofia me regji nga artisti im i preferuar, Eduart Grishaj. I uroj atij dhe gjithë skuadrës shumë fat”, ka shkruar Osmani.
Këto janë ndër momentet e fundit që Osmani dhe Grishaj i shijojnë vetëm në shoqërinë e njëri-tjetrit, sepse nga dita në ditë pritet t’ju shtohet pjesëtari më i ri në familje, që do rrëmbejë vëmendjen e të gjithëve. Arbana ka treguar se ajo është në muajt e fundit të shtatzënisë dhe së shpejti Joni do të bëhet me një vëlla.