Argjira Spanca dhe Graciano Tagani janë një nga çiftet më të përfolur të momentit. Ata kanë vetëm pak javë që kanë pranuar hapur lidhjen e tyre të dashurisë dhe kanë marrë plotësisht mbështetjen e publikut. Puna e tyre e përbashkët në televizion ishte ajo që i çoi drejt lidhjes dhe tashmë ata janë kudo bashkë.
Deri më tani marrëdhënia e tyre ka shkuar më së miri dhe ata janë shumë të lumtur me njëri-tjetrin. Mirëpo mungesa e një pëlqimi në postimin e fundit të Argjirës në Instagram i ka bërë njerëzit të dyshojnë për një krizë të mundshme në çift. Moderatorja ka realizuar një intervistë virtuale me ndjekësit, të cilët janë interesuar se si po shkon marrëdhënia me Gracianon.
“Po marrëdhënia jote me Gracianon si po vete? Ai s’të ka pëlqyer foton e fundit. Jeni shumë të mirë”, i ka shkruar dikush Argjirës.
Ajo ka pyetur menjëherë Gracianon dhe ai është përgjigjur duke qeshur se as nuk e ka parë postimin. Menjëherë ai ka dhënë “like” dhe të dy kanë treguar se lidhja po shkon vaj.
Para pak ditësh të ftuar në emisionin “Natën me Aulonën”, dyshja treguan se si nisi lidhja e dashurisë mes tyre.
“Kur unë erdha në Tiranë filluam që të flisnim, sepse unë Gracianon e njihja që më herët. Unë dhe Graciano kemi qenë shok shumë të mirë vite më parë, pastaj kur erdha unë në Tiranë për punën, filluam të ndërronim pak stilin dhe filluam të shoqëroheshim pak më shumë se sa dy miq. Në fillim para se të vija në Tiranë nuk më ngacmonte asnjëherë dhe kur filloi të më ngacmonte nuk e merrja seriozisht”, tregoi Argjira.