Florin Cernat, ish futbollisti i përfaqësueses rumune, ka zbuluar disa prapaskena në lidhje me situatën në Ukrainë dhe mbi të gjitha ku ndodhet trajneri Mircea Lucesku, i cili pak ditë më parë u shpreh se nuk ka ndërmend të largohet nga Ukraina:
“Dje në mbrëmje fola me disa miq të mi në Kiev. Më thanë se të gjithë lojtarët ndodhen të akomoduar në qendrën sportive të klubit, së bashku me familjet dhe me fëmijët. Po presin që të zhbllokohet situata në mënyrë që të kthehen në vendet e tyre.
Nga ajo që mësova, Lucescu dhe stafi i tij po kthehen në Rumani, po kthehen me makinë pasi nuk kanë zgjedhje tjetër, aeroporti është bombarduar. Nuk kanë se çfarë të bëjnë në Ukrainë, të gjithë kompeticionet sportive janë anuluar”, u shpreh ndër të tjera Florin Cernat për Digi24.