Skuadra e Paris Saint Germain, ku luan futbolllisti i njohur Lionel Messi, do të përballet me Meci, të mërkurën në orën 21:00 në kuadër të xhiros së shtatë në Ligue I.
Mirëpo, sipas ‘Sky Sports News’, në këtë ndeshje pritet të mungojë Leo Mesi. Pas testeve mjekësore është zbuluar mavijosje e kockave në gjurin e tij të majtë.
Në këtë mënyrë Mesi nuk do të jetë në gjendje ta ndihmojë skuadrën e tij.
Ndërkohë gjendja e argjentinasit do të vlerësohet përsëri dhe do të shikohet nëse mund të luajë kundër Montpeljes në fundjavë apo në mesjavën e ardhshme ndaj Manchester City-t në Ligën e Kampionëve
Messi për momentin jeton në Paris, dhe deri tani është strehuar në hotele. Megjithatë së fundmi thuhet se një kështjellë franceze e shekullit të 19-të mund të bëhet “shtëpia” për të dhe familjen e tij. Ndërtesa madhështore i takon vitit 1899 dhe ka dy mijë metra katrorë, 30 dhoma si dhe një pishinë të brendshme, palestër, disa garazhe, dhoma personeli, etj.