Kur ndodhemi në plazh na ndodh shpesh herë të biem në kontakt me kandilat e detit në breg. Por çfarë duhet të kemi parasysh për këtë.
Vrojtuesit e plazhit na tregojnë se mëngjesin e kësaj të shtune kanë qenë të shumta kandilat e ngordhur ne bregdet.
Duhet ti kushtojmë pak vëmendje dhe si duhet të veprojmë në rast se biem në kontakt me ta.
Kontakti me një kandil mund të shkaktojë lëndime apo plagë, që sipas reaksionit të organizmit të personit të sulmuar dhe në varësi të helmit të absorbuar, mund të ketë pasoja që nisin nga dhembje sipërfaqësore deri në arrest kardiorespirator.
Kandilët, specie jovertebrore shkaktojnë plagë në lëkurë përmes tentakulave. Për të ndërhyrë në një lëndim nga kandili, duhet ndjekur proçedura si më poshtë:
- Vish dorashkat për mbrojtje;
- Mos e lag lëkurën me ujë të ëmbël, shpëlaje lëkuren vetëm me ujë deti per te larguar mbetjet nga tentakulat, nëse ka të tilla;
- Thaj pjesën e lënduar me kujdes, pa e fërkuar;
- Apliko mbi të acid acetik 4-6% (uthull);
- Laj pjesën e lënduar me ujë të ngrohtë (max 45 gradë) për 20 min;
- Mos e ekspozo plagën në diell.