Dy vëllezër kanë kërcënuar një 31-vjeçare në Tepelenë dhe kanë tentuar që t’i djegin automjetet.
Policia ka arrestuar njërin prej vëllezërve, shtetasin K. Q., 31 vjeç, banues në fshatin Luzat, Tepelenë, si dhe ka nisur procedimi penal në gjendje të lirë për vëllain tjetër, shtetasin B. Q., 32 vjeç.
“Specialistët e Seksionit për Hetimin e Krimeve të Komisariatit e Policisë Tepelenë arrestuan në flagrancë shtetasin K. Q., 31 vjeç, banues në fshatin Luzat, Tepelenë, si dhe referuan materialet në Prokurori ku nisi procedimi në gjendje të lirë për vëllanë e tij, shtetasin B. Q., 32 vjeç, pasi ka kallëzuar shtetasja L. G., 31 vjeçe, se për motive të dobëta, është kanosur nga shtetasi B. Q., dhe se shtetasi K. Q. ka tentuar të djegë 2 automjete në pronësi të saj. Në drejtimin e Prokurorisë, vijon puna për verifikimin e këtij kallëzimi.’