E ardhmja e Kylian Mbappè është tema e nxehtë e tregut të transferimeve dhe drejtori sportiv i Paris Saint-Germain, braziliani Leonardo është prononcuar për të. Në një intervistë të fundit per ‘RMC Sport’, ish-milanisti foli drejtpërdrejt për situatën, duke konfirmuar gatishmërinë e lojtarit për të lënë Parisin dhe Real Madridin për të nënshkruar me të:
“Ne nuk do të ndalojmë askënd. Nëse dikush dëshiron të shkojë dhe kushtet tona janë plotësuar, ne do të shohim. Por ne krijuam një ëndërr me lojtarët tanë këtë verë dhe nuk do të lejojmë, që dikush ta shkatërrojë atë, – shton ai.
“Oferta konsiderohet shumë larg nga ajo që përfaqëson Kylian sot. Ne gjithashtu i detyrohemi një pjesë të këtyre parave edhe Monakos dhe ne besoj se propozimi nuk është i mjaftueshëm”.
Ditët e fundit duket se ‘los blancos’ kishin ofruar rreth 160 milionë euro për të tërhequr Mbappe. Oferta u refuzua nga PSG, me Leonardon, i cili i komentoi në mënyrë të ashpër modalitetet e Real Madridit:
“Për dy vjet, Real Madrid ka mbajtur një sjellje e jo korrekte, të paligjshme, duke kontaktuar mjedisin e tij, familjen e tij dhe ata që punojnë me Kylian. Eshtë e papranueshme të bësh një ofertë kur ata e dinë, se nuk është e mjaftueshme dhe nuk është korrekte ndaj nesh, – shton ai.
“Prova është ajo strategji e bërjes së një oferte shtatë ditë nga përfundimi i tregut të transferimeve dhe një vit nga përfundimi i kontratës së lojtarit. Duket si një strategji për të treguar se keni provuar gjithçka”.
Leonardo përsërit me vendosmëri pozicionin e klubit: “Nuk ka plane për të folur përsëri me Real Madridin. Afati është 31 gushti në mesnatë. Tregu i transferimeve është i tillë, le të jemi të qartë: ne do ta mbajmë atë dhe do të përpiqemi të rinovojmë. Por ne nuk do ta lemë atë të largohet për më pak se sa kemi paguar, kur ende i detyrohemi para Monakos”.
Drejtori Leonardo i ka rinovuar planet e PSG-së edhe për asin francez: “Pozicioni ynë ka qenë gjithmonë ta mbajmë Kylian, ky ka qenë gjithmonë qëllimi ynë dhe është ende. Ne i bëmë dy oferta të mëdha Kylianit. Ne duam t’i tregojmë atij se ai është një lojtar i rëndësishëm, në qendër të projektit, por jo mbi projektin.”