Zbulohet skuadra ku do të vazhdojë karrierën Vasil Shkurtaj. Bomberi që mbylli kampionatin me Kukësin, duke shënuar 22 gola në sezonin 2019-2020, do të firmosë për klubin e Ligës së Parë në Kinë, Jiangxi Liansheng.
“Panorama Sport” mësoi se bomberi ka rënë dakord për një kontratë 14 mujore, teksa do të përfitojë në total 450 mijë euro.
Kjo ofertë faraonike bëri që sulmuesi të refuzojë çdo ekip të Superiores dhe jo vetëm në këtë periudhë merkatoje.
Pritet që në 24 orët e ardhshme të bëhet edhe zyrtarizimi i marrëveshjes, që është ndërmjetësuar nga menaxherët shqiptarë Franc Bode dhe Lorin Burba.