Aktorja e njohur japoneze Sei Ashina është gjetur e vdekur në apartamentin e saj në Tokio. Paraprakisht dyshohet si një vetëvrasje nga policia e Tokios dhe kompania e menaxhimit, ndërkohë që ka qenë i vëllai ai që ka gjetur trupin e aktores.

Aktorja ishte e njohur më së shumti për një nga rolet kryesore në dramën historike “Silk” të vitit 2007, një bashkëprodhim ndërkombëtar i drejtuar nga François Girard.

Deri më tani nuk dihet motivi që e shtyu aktoren të ndërrmerte këtë akt, pasi ajo nuk ka lënë asnjë shënim. Vëllai i saj ishte i pari që zbuloi trupin e pajetë pasi motra nuk po i kthente mesazhe dhe telefonatat që nga e diela.

“Ngjarja është aktualisht nën hetim, por ne do të dëshironim nga media të marrin në konsideratë hidhërimin e thellë të familjarëve dhe të përmbahen nga intervistimi i tyre”, thuhet në deklaratën e përfaqësuesve.

PËRGJIGJU

Please enter your comment!
Please enter your name here