SPAK ka nisur hetimet për të paktën 13 kompani “Call Center-ash” në Shqipëri, për të cilat dyshohet se përgjatë një periudhe 2-vjeçare kanë përfituar shuma të konsiderueshme parash përmes mashtrimit nga shtetas të ndryshëm të Bashkimit Europian.
Eksperti i kibernetikës Anxhelo Lushka zbuloi në emisionin “Breaking” edhe mënyrën sesi po mashtrohen qytetarët.
“Metoda më e njohur është “Fishing”. Të dërgojnë një email apo mesazh ku të thonë se ke fituar shumë para. Më pas të kërkojnë një numër kartë apo të dhëna sensitive. Më pas të zhvasin. Skema me call center-at është që t’i marrin paratë për të investuar, por në fakt nuk t’i kthejnë kurrë. Kjo njihet si skema FOREX. Ti investon, por lekët nuk i merr mbrapsht. Kompanitë e çorientojnë policinë, pasi IP-të shfaqen sikur ndodhën në shtete të ndryshme. Pra është e vështirë për të kuptuar se nga vjen mashtrimi.
Njerëzit duhet të edukohen që të mos bien pre e mashtrimeve online”, tha eksperti.
Këshilla se si të mbroheni kur shisni produkte në rrjet nga mashtruesit në internet:
– Sigurohuni që të gjithë punonjësit tuaj të jenë të vetëdijshëm për çështjet e mashtrimit që prekin dyqanet në rrjet;
– Qëndroni të përditësuar mbi llojet e mashtrimeve të pagesave në rrjet që prekin këto lloj biznesesh dhe sigurohuni që të keni mjetet në dispozicion për t’i parandaluar ato. Institucionet e sigurisë, por dhe bankat me të cilat bashkëpunoni do të kenë detaje mbi llojet e mashtrimit të pagesave në rrjet. Kontaktojini!
– Njihini klientët tuaj, në mënyrë që të jeni në gjendje të verifikoni pagesat e tyre.
Këshilla për blerësit në internet:
– Asnjëherë mos dërgoni me e-mail numrin e kartës suaj, PIN-in ose ndonjë informacion tjetër të kartës;
– Asnjëherë mos i dërgoni para dikujt që nuk e njihni;
– Ruani gjithmonë të gjitha dokumentet që lidhen me blerjet tuaja në rrjet;
– Nëse nuk po blini asgjë, mos i paraqitni të dhënat e kartës suaj;