Pas fejesës së Eni Koçit me Genc Prelvukajn, Gretën s’e lënë rehat me pyetjen se kur do martohet.
Kështu i ndodhi edhe sot tek “E Diell”, kur e ngacmuan se “rregullat” në shumë familje shqiptare e kanë që martohet njëherë motra e madhe, pastaj e vogla.
Greta iu përgjigj:
“Ashtu e kanë, po këto punë nuk paskan radhë. Të gjitha këto duan kohë dhe është proçes ai që duhet të ndodhë në jetën e njeriut.”
Greta shpjegoi edhe arsyet përse deri tani nuk e ka gjetur dikë me të cilin të mendojë seriozisht: ka standarte jo vetëm bazike, të cilat ai duhet t’i plotësojë.
Duke qenë e përkushtuar në drejtim të arritjeve personale dhe profesionale, Greta kërkon dikë të ngjashëm në këtë aspekt.
“E rëndësishme është të arsimohesh, të kulturohesh, të kesh një karrierë të suksesshme, të jesh e zonja e vetes dhe burrin ta zgjedhësh në atë standart”
Ajo shpjegoi edhe se marrëdhënia që mban me Enin dhe kunatin Gencin, është shumë e afërt. Ajo madje e konsideroi Gencin “vëlla”.
Eni dhe Genci u fejuan në nëntor të vitit të kaluar, megjithatë ata e zbuluan vetëm në shkurt, duke publikuar foto nga propozimi super romantik.