Etrit Berisha u shfaq në konferencën për shtyp si kapiten i përfaqësueses. Pikëpyetja më e madhe ishte se kush do të ishte titullar mes tre portierëve, por çdo enigmë u zgjidh në konferencë. Portieri i Torinos foli në prag të sfidës ndaj Polonisë, e vlefshme për fushatën kualifikuese të Botërorit “Katar 2022”.
“Me siguri që Polonia është një ekip shumë i mirë edhe pse nuk ka disa lojtarë që nuk janë thirrur. Me rëndësi për ne është paraqitja e mirë si skuadër, nuk ka rëndësi se kush do të luajë. Polonia ka yje botërore si Lewandoëski, edhe ne kemi lojtarë të rëndësishëm, por shpresojmë që të bëjmë rezultat edhe paraqitje pozitive.”
Etrit Berisha nuk e përjashton mundësinë që Shqipëria të marrë rezultat pozitiv, pavarësisht se Polonia brenda në shtëpi është një kockë e fortë.
“Mendoj se kemi mundësitë të surprizojmë Poloninë, por duhet të kemi vetëbesim dhe pastaj gjërat e tjera t’i bëjmë me përpikmëri taktike, besoj që raste do të kemi dhe shpresoj që të bëjmë rezultat pozitiv që po fituam nesër, do të na japë mundësitë të vazhdojmë garat. Mund të bëjmë surprizë siç kemi bërë edhe më herët.”