Disa vite më parë Fjodora Fjora dhe stilisti Joni Peçi patën debat mes tyre ku ky i fundit i tha se “S’ke qenë gjë, ku merr vesh nga moda ti”.
Fjodora ka sqaruar gjithçka në marrëdhëniet e saj me stilistin, duke thënë se pavarësisht se të dy u nxituan dhe ishin pak gjaknxehtë tani janë miq të mirë.
“Kemi qenë shumë të rinj edhe pak me gjaknxehtë se tani sepse kuptohet po të bënim ndonjë sfidë të madhe televizive do merrnin ndonjë audiencë të madhe. Nejse audiencën e fituam të dy. Të dy bëmë gabimet tona në atë intervistë. Ai u nxitua të thoshte një gjë e cila sigurisht mori një përgjigje me qetësi nga ana ime por në fakt që nuk duhet të jepej dhe mendoj që të dy në mënyrë shumë fine e kemi tejkaluar këtë momentin këtu, duke u prezantuar me njëri-tjetrin si dy të rritur të cilët nuk kanë asnjë sfidë me veten as me ekranin dhe asnjë nevojë për t’u konfirmuar. Ne tani jemi miq dhe shumë të dashur me njëri-tjetrin”, – është shprehur Fjodora Fjora në emisionin “Ditë e re”.