Kjo e martë e ka kthyer pas në shumë vite Xhensila Myrtezajn dhe ajo është bërë mjaft nostalgjike. Këngëtarja ka ndarë në Instagram disa foto të shkëputura nga performancat e saj tek Gjeniu i Vogël 1, nga ku ajo hodhi hapat e parë të karrierës.
Në njërën prej fotove këngëtarja shfaqet pranë Alketa Vejsiut, që ka qenë për disa vite me radhë prezantuese e spektaklit të talenteve të vegjël. “Oh Zot Alketa Vejsiu, Gjeniu i Vogël 1, aty prej ku nisi gjithçka”, shkruan Xhensila përkrah fotos.
Ndërsa në imazhe të tjera ajo ka dëshmuar se Ajka është një kopje në miniaturë e saj. Në foton e publikuar nga Xhensila vihet re se vogëlushja ka ngjashmëri të madhe në tipare me mamin dhe për këtë gjë këngëtarja i ka kërkuar një përgjigje edhe Bes Kallakut.
“Dhe Ajka është mini-me. Kishe gjë për të shtuar Bes Kallaku?”, shkkruan Myrtezaj.