Autoriteti Kombëtar i Ushqimit ka gjobitur katër subjekte tregtare, një restorant dhe tre markete në Fier dhe Korçë me një vlerë totale prej 1.2 milionë lekë.
Në një restorant në Voskopojë është vendosur gjoba 300 mijë lekë, pasi në ambientin ku gatuhej dhe laheshin enët kishte prezencë të madhe myku.
Ndërkaq, një market në Pogradec është gjobitur se nuk kishte marrë masa kundër minjve, ku malli shitej në prezencë të tyre.
Ndërsa në dy markete në Dërmenas të Fierit dhe dhe në Seman u sekuestrua edhe malli i skaduar që tregtohej.
NJOFTIMI
Drejtoria Rajonale e AKU Fier dhe Korçë, në kuadrin e planit të masave të marra për garantimin e mbarëvajtjes së sezonit turisitik, kryen kontrollin në 4 subjekte, me aktivitet “Restorant” dhe “Market”, nga ku u konstatuan: mungesë e kushteve higjeno-sanitare dhe produkte me afat përdorimi të kaluar.
Për shkeljet e konstatuar, AKU mori masën admistrative “Gjobë” me vlerën totale 1.2 milion lekë për katër subjektet, si dhe masën admistrative “Bllokim i produkteve” të pasigurta për konsum human me desitinacion asgjësimin, për dy nga subjektet.
