Policia italiane ka arrestuar 18 persona, anëtarë të një grupi të trafikut të paligjshëm të sasive të mëdha të kokainës, hashashit dhe marijuanës.
Nga operacioni i zhvilluar në Padova, Udine, Rimini, Venecia, Trieste, Gorizia dhe Milano u sekuestruan 109 kilogramë lëndë narkotike.
Mes personave të arrestuar, veç shtetasve italianë dhe rumunë, janë edhe 3 shqiptarë, një 38-vjeçar me banim në Rubano, i cili është lënë në burg, një shqiptar 49-vjeçar me banim në Milano, i cili u la në detyrim paraqitje, si dhe një shqiptar 38-vjeçar me banim në Selvazzano Dentro gjithashtu në detyrim paraqitje.