Vetëm pak muaj më parë vendosi kurorë me partneren e tij dhe tashmë është vetë Gold AG që na bën të ditur se për dy muaj do të bëhet baba.
Gold Ag dhe bashkëshortja e tij Ermira Shkodra po presin fëmijën e tyre të parë dhe këtë e zbuloi fillimisht një mikeshë e Ermirës, e cila i komentoi kësaj të fundit në një nga fotot: “Një nënë e ardhshme mahnitëse”
Këtë lajm të bukur e ka konfirmuar edhe vetë reperi Gold AG në një intervistë të sinqertë për “Prive”.
Ai tregoi se është tepër i lumtur në krahët e partneres së tij, tek e cila ka gjetur femrën ideale që ka kërkuar gjithmonë.
Të gjithë jemi kuriozë për gjininë e bebushit, por reperi ka vendosur ta mbajë edhe pak për vete.
A kishte preferenca për djalë ose vajzë?
Gold AG ka rrëfyer se për të s’kishte aspak rëndësi gjinia, përveç faktit që bebushi të vinte i shëndetshëm.
Ermira do të sjellë në jetë fëmijën e parë të çiftit pas dy muajsh, ndërsa reperi është shprehur se fëmijën e tij do ta rrisë siç thotë feja.