Një ngjarje e rëndë u shënua sot në Athinë, ku një nënë hodhi vajzën e mitur nga ballkoni i katit të pestë të një pallati ku banonte dhe më pas u hodh dhe vetë.
Ngjarja u shënua rreth orës 16:30 në Prokopiou Katsantoni Street 10.
Kyriaki Tsortanidou 42 vjeç dhe vajza e vogël vetëm 4 vjeçe Foteini Spyridaki, u transportuan nga ambulanca në spitalet Gennimata dhe Aglaia Kyriakos, ku edhe u regjistrua vdekja e tyre.
Sipas dëshmisë së banorëve që gjendeshin përreth, nëna fillimisht hodhi fëmijën dhe pastaj vendosi një karrige, hipi mbi të dhe u hodh dhe vetë nga kati i pestë.
Gruaja mësohet se kishte probleme psikologjike. Ishte e martuar dhe burri i saj ishte larguar nga shtëpia disa minuta para ngjarjes.
Ngjarja ka shokuar fqinjët e viktimave që panë me sytë e tyre këtë tragjedi por pa mundur ta ndalonin.