Nuk ka ndodhur në asnjë vend, që kandidati fitues dhe kryetari në detyrë të jenë në burg. Fjala është për Fredi Belerin dhe Jorgo Goron, që nga burgu dha dorëheqjen si kryetari në detyrë i Bashkisë së Himarës.
Këshilli Bashkiak i Himarës do të mblidhet sot dhe të vendosë me votë se cili prej dy nënkryetarëve, Blerina Bala apo Pervin Gjikuria do të drejtojë bashkinë Himarë deri në zgjedhjet e reja. Në këtë rast Partia Socialiste ka 13 vota në Këshill, përkundrejt 8 vota të koalicionit opozitar, pra mazhoranca do të zgjidhë e vetme.
Lexo edhe :
Related Posts
Socialistët kanë shumicën në këshillin bashkiak të Himarës, dhe burime për Report Tv bëjnë me dije se Blerina Bala është pretendentja kryesore për të drejtuar bashkinë deri në zgjidhjen përfundimtare të ngërçit. Për të shkuar drejt zgjedhjeve të parakohshme në Himarë, do duhet që Apeli i Posaçëm të japë një vendim përfundimtar për Fredi Belerin.