Kishte konsumuar alkool dhe ashtu në gjendje të dehur ka qëlluar me armë zjarri në ajër disa herë në oborrin e shtëpisë së tij në fshatin Rraboshtë në Lezhë.
Fqinjët të tmerruar kanë lajmëruar policinë e cila kur mbërriti arrestoi 49-vjeçarin A.P. Por gjatë kontollit në shtëpinë e tij u gjetën 2 armë zjarri automatike, ( automatik model MP-40 dhe Pushkë model 63), 35 fisheke,si dhe një granatë dore ofensive.
NJOFTIMI I POLICISE
Qëllon me armë zjarri në ajër, arrestohet në flagrancë nga policia
Sekuestrohen 2 armë zjarri dhe një granatë dore ofensive
Specialistët e Seksionit për Hetimin e Krimeve në Komisariatin e Policisë Lezhë, bënë arrestimin në flagrancë të shtetasit:
A.P., 49 vjeç ,banues në fshatin Rraboshtë, Lezhë.
Ky shtetas, në efektin e alkoolit, në oborrin e banesës së tij ka qëlluar me armë zjarri në ajër disa herë.
Në cilësinë e provës materiale , u sekuestruan 3 gëzhoja në vendngjarje si dhe gjatë kontrollit të ushtruar në banesë u gjetën 2 armë zjarri automatike, ( automatik model MP-40 dhe Pushkë model 63), 35 fisheke,si dhe një granatë dore ofensive
Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme për veprat penale “Prodhimi dhe mbajtja pa leje e armëve luftarake dhe municionit” dhe “Prishja e qetësisë publike”. parashikuar nga neni 278 dhe 274 të Kodit Penal.
