I arrestuari për vrasjen e motrës së tij, Shkëlzen Buci ka qenë vrasës me pagesë dhe aktualisht ndodhet në burg.
I riu, ndaj të cilit rëndon tanimë edhe vrasja e së motrës, u arrestua në vitin 2017 në kuadër të operacionit “Pagesa”, ndërsa në pranga ranë edhe porositësi dhe bashkëpunëtorët e tij.
I riu do të vriste aktorin Mishel Prela, i cili mbeti i plagosur, kundrejt një shume prej 80 mijë eurosh.
“Kemi zbardhur dhe dokumentuar tërë mekanizmin e ngjarjes, që është një vrasje me pagesë mbetur në tentativë nga një grup i strukturuar kriminal. U arrestuan të gjithë anëtarët e grupit, nga porositës, ekzekutori dhe ndihmësit. Ervin Zallumi është personi që ka porositur vrasjen e shtetit Mishel Prela, i cili ka paguar 80 mijë euro për vrasje, shumë që do ia jepte Shkelzen Bucit, lindur në Peshkopi dhe banues në Tiranë, i cili ka qenë dhe ekzekutori”- njoftoi kreu i policisë Tiranë në 2017.
Sipas policisë, Shkëlzen Bucit që ishte në rolin e ekzekutorin iu sekuestrua arma e krimit. Ndërkohë u kap Miklar Tola, bashkëpunëtor në tentativën e vrasjes dhe Ermir Tola, vëllai i Miklarit, pjesëtar aktiv i grupit kriminal.