Gjykata e Tiranës ka përfunduar shqyrtimin e padisë për “shpifje” të kreut të grupit të PS, Taulant Balla, kundër liderit demokrat, Lulzim Basha. Në konkluzonet përfundimtare, avokatët e Ballës kërkuan deklarimin fajtor të kryetarit të PD dhe dënimin e tij për “shpifje”.
Avokatët e Bashës pretenduan se në deklaratat e tij nuk ka elemente të veprës penale. Ata kërkuan përfundimisht pafajësinë e Bashës ose pushim të cështjes. Përfaqesuesi i prokurorisë në gjyq tha se nuk ka elementë të veprës penale dhe kërkoi përfundimisht pushimin e padisë.
Gjyqtari Gerd Hoxha pasi shqyrtoi çështjen gjyqësore konstatoi se janë shkelur disa pika të Konventes Europiane për të drejtat e njeriut. Gjykata kërkoi kohë për të dhënë vendimin, ndërsa shpallja e vendimit të arsyetuar do të jetë më 21 janar, ora 12:30.
Ironia e Gjykatës është që vendimi do jepet më 21 janar, pikërisht 8 vite pasi ndodhi vrasja e katër protestuesve në Bulevard, ku ministër i Brendshëm ishte Lulzim Basha.