Të ftuarit e radhës në rubrikën ‘Tani mund të këndosh’ kanë qenë Klea Huta dhe Elgit Doda. Të vendosur mes rreshtave, aty ku kanë pasur mundësi të vjelin rrushin, pasi çiftit i pëlqen shumë vera, moderatori Ardit Gjebrea nuk ka ngurruar t’i bëjë disa pyetje ngacmuese, duke zbuluar për publikun se çfarë ka pëlqyer Klea fillmisht tek Elgiti dhe ai tek ajo.
Dyshja zbuloi se historia e dashurisë ka lindur pasi grupi Alar Band bashkëpunoi me Klean për këngën ‘Amla’, pjesëmarrëse ne ‘Kënga Magjike’.
Ardit Gjebrea: Si lindi dashuria juaj?
Elgid Doda: Ka qenë kënga e Këngës Magjike me Alar Band.
Ardit Gjebrea: Hë aty ndodhi magjia, kot nuk e kam quajtur “Kënga Magjike” unë.
Elgit Doda: Klean e kam njohur që në Akademinë e Arteve, por e kisha humbur mundësinë për ta takuar dhe ishin çunat e Alar Bend që thanë do bëjmë këngë me Klea Hutën dhe thash tak erdhi dita.
Ardit Gjebrea: Për çfarë e dashuron Elgitin ti?
Klea Huta: Të dashurosh një njeri nuk ka shumë arsye sepse thjesht e do dhe kaq edhe dashuria nuk pranon arsye sepse vjen nga zemra dhe jo nga truri se të vinte nga truri mbase do kishim bërë zgjedhje të tjera.
Ardit Gjebrea: Po ti pse e dashurove Klean?
Elgit Doda: Po e kërkoja një femër me këto lloj parametrash dhe ishte fati i Kleas. (qesh)
Ardit Gjebrea: Çfarë të pëlqen më shumë tek Elgiti?
Klea Huta: Gjëja që më pëlqen më shumë tek Elgiti, përveç se ka tipin sportive që unë vdes tek meshkujt, tani nuk vdes më domthenë, kam vdekur dikur se tani kam një burrë, tatuazhet i kam pasur fiksim tek Giti.
Dyshja është pyetur gjithashtu dhe nëse Elgiti do të pranonte që Klea në profesionin e aktores të puthte dike tjetër në rol dhe këngëtari ka pohuar se nuk ka asnjë problem pasi të tillë e ka njohur partneren e tij, si aktore.