Krahas Pjerin Ndreut, këtë të hënë kanë dorëzuar mandatet edhe dy deputetë të tjerë që kandidojnë për kryetar bashkie, Ilir Xhakolli dhe Rakip Suli, i pari për bashkinë e Pogradecit, dhe i dyti për Kamzën.
Ndërkohë sot është afati i fundit kur duhet të dorëzohen në KQZ emrat e kandidatëve për kryetarë bashkie dhe në bazë të kodit zgjedhor PS pritet të dorëzojë emrat për 10 bashkitë e mëdha që kanë më shumë se një KZAZ.
Lexo edhe- Tashmë ish-deputet, Pjerin Ndreu heq dorë për Lezhën nga mandati
Por kush do të zëvendësojë në Kuvend Pjerin Ndreun, Ilir Xhakollin dhe Rakip Sulin?
Sipas listave të PS-së për zgjedhjet e 2017-tës, për qarkun e Lezhës i vjen radha Ardiana Jakut. Në listën e Tiranës, për Rakip Sulin vjen në radhë kreu i FRESSH, Elio Hysko ose nëse respektohet kriteri femër, Milena Harito.
Ndërsa në qarku e Korçës, në listë vjen Ardit Konomi, i cili aktualisht është drejtor i spitalit të Korçës, dhe pas tij Enslemvera Zake.