Një masakër ka ndodhur në mesnatë në Tiranë. Një 20-vjeçar vdiq si pasojë e përleshjeve me thika me dy 18 vjeçarë, në rrugën “4 Dëshmorët”. Pas një sherri për motive ende të paqarta dy personat kanë goditur me mjet prerës Stiven Toshkezin, i cili si pasojë e plagëve të marra ka ndërruar jetë në spital.
Ngjarja ka ndodhur rreth orës 00:35. I riu u përfshi në një konflikt për motive të dobëta dhe u plagos nga dy të rinjtë e identifikuar si Axel Hoxhaj, 18-vjeç dhe Ensi Maze, 18-vjeç. Ky i fundit është kapur dhe arrestuar ndërsa shoku i tij është ende në kërkim.
Grupi hetimor po punon për kapjen e autorëve dhe sqarimin e plotë të rrethanave të ngjarjes.