Të tjerë shtetas afganë kanë mbërritur në vendin tonë.
Ministria e Jashtme njofton se kanë ardhur në orët e para të mëngjesit edhe 37 afgane, te cilët janë akomoduar në Qytet Studenti, për t’u transferuar në vijim në struktura hoteliere në bregdet.
“Në orët e para të mëngjesit sot kanë mbërritur në aeroportin e Rinasit 37 shtetas afganë, duke e çuar në 644 numrin total të mbërritur në më shumë se një javë në Tiranë. Ata janë akomoduar në Qytetin Studenti, për t’u transferuar në ditët në vijim në struktura hoteliere në bregdet”, njofton Ministria e Jashtme.