Me falsifikim të letrave i morën 5 mijë metër katrorë tokë një personi, në pranga ish-juristi i hipotekës

Në prangat e Policisë së Durrësit kanë rënë tre persona, pasi janë nën akuzë se kanë përvetësuar 5000 m² tokë një qytetari, duke e regjistruar në hipotekë si të tyren. Në pranga kanë rënë ish-jurisi i hipotekës së Durrësit, Artur Isaku 60 vjeç, Faik Ibrahimi 72 vjeç dhe Zyber Dema 68 vjeç. Këta shtetas, në bashkëpunim me njëri-tjetrin, duke përdorur dokumente të falsifikuara, i kanë marrë rreth 5000 m² tokë një shtetasi, të cilën e kanë përvetësuar dhe regjistruar në hipotekë si të tyren.