Michelle Obama merr vlerësimin maksimal nga qytetarët amerikanë. Ajo është një hap para Melania Trump. Një ish-zonjë e parë mund të fshehë një tjetër, Michelle Obama theu 17 vite mbretërim të Hillary Clinton si gruaja më e admiruar nga amerikanët, sipas një sondazhi të “Gallup” të publikuar sot. Dhe në fakt, ish-presidenti Barack Obama mbetet për herën e 11-të radhazi si njeriu më i admiruar nga qytetarët e tij, para presidentit Donald Trump, në vend të dytë për vitin e katërt radhazi. Michelle Obama, që po zhvillon aktualisht një turne botëror për të promovuar botimin e kujtimeve të saj në nëntor, ka marrë 15% të pëlqimeve.
Sipas këtij sondazhi të “Gallup”, që zhvillohet çdo vit që prej 1946-s, ajo ka kaluar prezantuesen dhe gruan sipërmarrëse Oprah Winfrey si dhe Hillary Clinton dhe zonjën e parë aktuale, Melania Trump. / P. Hasa /