Kohët e fundit duket se kanë qenë goxha produktive për kinematografinë shqiptare. Disa seriale televizive po prodhohen në të njëjtën kohë dhe më i fundit që është bërë publik është “Nina”.
Seriali i zhanrit komedi do të transmetohet së shpejti në ekranin e “RTSH” dhe ka mbledhur disa nga emratmë të njohur të aktorëve shqiptarë. Personazhet kryesorë të serialit do të jenë 3 aktorët e famshëm, Olta Daku, Besi Bitraku dhe Igli Zarka.
Mes tyre duket se do të jetë dhe një moderatore e njohur e ekranit shqiptar. Ditën e djeshme moderatorja e “Rtv Ora”, Arjola Shehu, tregoi se shumë shpejt do të zbulonte një surprizë për ndjekësit e saj. Shumë aluduan se mos bëhej fjalë për ndonjë format të ri televiziv, por ajo i hodhi poshtë të gjitha këto aludime. Kështu, Arjola nuk duroi shumë dhe zbuloi se asaj i është besuar një rol në serialin “Nina”. Ky është roli i saj i parë në kinematografi, ndaj ajo i ka falenderuar të gjithë ata që e kanë mbështetur në këtë rrugëtim.