Ka ndërruar jetë instrumenstisti i talentuar matjan Hamdi Driçi.
Siç shprehen të afërmit, kolegët dhe miqtë e tij ai ishte një njeri i fortë, një qytetar model, një familjar korrekt, një njeri i mrekullueshëm, me moral të lartë, një instrumentist virtuoz i ansamblit “Mati”, xhezmandisti i rrallë.
Hamdi Driçi ishte mjaft i talentuar dhe do të mbahet mend jo vetëm nga matjanët për humorin brilant, dashurinë për vendlindjen, njerëzit, muzikën, artin. Driçi u rrit në një familie të madhe, me 11 fëmijë, secili më i mirë se tjetri, me dy prindër të shkëlqyer Shemsi Driçi dhe Ijen e palodhur.
Portali tirananews.al i shpreh ngushëllimet më të sinqerta familjes Driçi, të afërmëve, kolegëve dhe çdo matjani për këtë humbje të madhe.
Shto koment