Policia e Hamburgut shkatërroi nëntë tonë drogë, me vlerë prej më shumë se gjysmë miliardë euro.
“Droga është shoqëruar për djegie javën e kaluar në një operacion të fshehtë që përfshinte disa transportues të sigurt dhe forca të armatosura”, tha zëdhënësi i policisë.
Llojet e drogave të shkatërruara ishin 2,4 tonë kokainë dhe 6,7 tonë APAAN, një kimikat i përdorur në prodhimin e metamfetaminës, të konfiskuar gjatë operacioneve në Gjermaninë Veriore në 2017 dhe 2018.
Droga kishte një vlerë të kombinuar prej 520 milionë eurosh (592 milionë dollarë). Sipas zyrtarëve të policisë gjermane, disa milionë euro kokainë u konfiskuan në Gjermani në vitin 2018, por këtë vit sasia e kapur ishte poshtë ngarkesës rekord të vitit të kaluar.