Policia e Durrësit ka vënë në pranga jnë 29-vjeçar të shpallur në kërkim nga Italia. Bëhet fjalë për Klejdi Abdyli, banues në lagjen Nr.3, Durrës.
Ai ishte i shpallur në kërkim ndërkombëtar nga autoritetet italiane, bazuar në Urdhër Arrestin e vitit 2017,lëshuar nga Gjykata në Peskara/ Itali, për kryerjen e veprave penale “Trafikimi i narkotikëve (kokainë)” dhe “Organizata Kriminale”.
Abdyli në bashkëpunim me persona të tjerë dyshohet se në gjashtë raste të përsëritura, kanë mbajtur, transportuar dhe shitur sasi të konsiderueshme lënde narkotike të llojit kokainë.
Një nga këto raste, për të cilën ai ishte shpallur në kërkim nga Italia është ajo e trafikimt të 1.1 kg lënde narkotike në vitin 2016. Klejdi Abdyli bashkë me 2 shqiptarë të tjerë u kapën me 1.1 kg kokainë e destinuar për tu shpërndarë nëpër klubet e natës, në Pescara. Sipas policisë, kokaina ishte e pastër dhe se kapte vlerën e 100 mijë eurove. Gjatë kontrollit policor në shtëpinë e Avdylit në vitin 2016, u gjetën edhe 14 mijë euro.