Policia e Bulqizës ka arrestuar në flagrancë një 31-vjeçar, pasi ka ushtruar dhunë fizike ndaj nënës së tij, duke i shkaktuar lëndime në trup.
Njoftimi i policisë:
Shërbimet e Komisariatit të Policisë Bulqizë, pas marrjes së njoftimit, për një konflikt që po ndodhte në një familje, menjëherë shkuan në adresën e dhënë.
Si rezultat i ndërhyrjes në kohë dhe veprimeve të shpejta profesionale, u parandalua përshallëzimi i mëtejshëm i konfliktit dhe u arrestua në flagrancë shtetasi H.M., 31 vjeç, banues në Bulqizë. Ky shtetas, është konfliktuar dhe ka dhunuar fizikisht nënën e tij, duke i shkaktuar dhe lëndime trupore.
Specialistët e sektorit të Policisë Rrugore, arrestuan në flagrancë shtetasin R.S., 33 vjeç, banues në Peshkopi, pasi u konstuatua, duke drejtuar automjetin e tij në gjendje të dehur.
U referuan materialet në Prokurori ku nisi procedimi penal në gjendje të lirë, për shtetasin E.B., 19 vjeç, banues në Peshkopi, pasi u konstatua duke drejtuar automjetin e tij, nën ndikimin e alkoolit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.