Pas një konflikti familjar, vëllezërit përplasin me makinë burrin e motrës

Policia e Vlorës ka shpallur në kërkim dy vëllezër, pasi sulmuan kunatin e tyre. Bëhet e ditur se në kërkim janë shpallur M. D., 34 vjeç dhe B. D., 37 vjeç të dy banues në fshatin Kot. Dyshohet se, pas një konflikti familjar ata kanë goditur të enjten me automjet bashkëshortin e motrës së tyre, një 38-vjeçar, banues në Vlorë. Kunati i vëllezërve të shpallur në kërkim ndodhet aktualisht në spital ku po merr kujdesin e duhur shëndetësor.