Këngëtarja me famë botërore Rihanna pas një kohë të gjate shkëputjeje nga tregu muzikor prej afro 5 vitesh, ka lajmëruar se do të rikthehet me një projekt të ri.
Në një intervistë për revistën ‘Vogue Italia’ në të cilën ajo është si imazh në kopertinë me një pamje krejtësisht ndryshe, 33-vjeçarja ka thënë se projekti i saj i ri i cili do të jetë albumi i nëntë për të pritet të mbajë titullin “R9”.
Këngët parashikohet të jenë hite të radhës, duke marrë në konsideratë faktin se Rihanna është një prej këngëtareve më të dëgjuara në botë. Albumi i fundit i saj ishte “Anti”, i publikuar në fillim të vitit 2016 i cili ka patur shumë sukses.