Xhesika Berberi është një nga modelet më të suksesshme shqiptare. Megjithatë, pak dihet për jetën e saj personale. Së fundmi, Xhesika ishte e ftuar në emisionin “Rudina”, ku mes të tjerash tregoi dhe planet për t’u bërë nënë. Ajo tha se kjo do të ndodhë kur të përmbushë disa gjëra në karrierën e saj.
“Patjetër e shikoj veten time si nënë. Nuk mund të them tani për momentin sepse tani jam e fokusuar shumë te karriera dhe është momenti që unë duhet t’i jap më shumë forca se çdo moment tjetër se duke qenë tani që po vij me biznesin tim dhe të krijosh diçka në SHBA nuk është e thjeshtë. Kam 2 vite që po punoj shumë fort, dhe dua që kur të kem familjen time, fëmijët e mi, ta kem ezauruar pjesën e karrierës dhe të jem 100% e fokusuar vetëm te familja. Kështu që dua të mbaroj njëherë këto gjërat që i kam në plan. Sidomos dua që kur të flas me fëmijët e mi të ardhshëm t’i them që kam bërë këtë”, u shpreh Xhesika.
Kujtojmë se modelja bëri publike lidhjen e dashurisë me 14 Shkurt 2020. Përveç disa postimeve romantike, detajet e tjera për lidhjen e saj, Xhesika nuk i ka zbuluar ende.