Kryeministri Edi Rama i është përgjigjur kreut të shtetit Ilir Meta me një postim në Twitter lidhur me mungesën e Gjykatës Kushtetuese.
“A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar? Falë Vetingut GJK është sot një djep bosh pa shejtanin brenda! Kjo është më shumë se gjysma e një pune të madhe që kërkon durimin e kohën e saj. Padiskutim Presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet!S’e dimë opinionin e Presidentit për këtë dhe bashkë me kritikat e tij,mezi e presim apelin e vonuar në mbrojtje të 30 qershorit ”, shkruan Rama në postimin e tij.
Mjaft i ashpër ka qenë kreu i shtetit Ilir Meta sot me klasën politike në konferencën për sigurinë në Ballkan.
Lexo edhe- “Shpërthen” Meta me mesazhe të forta për krizën,reformën në drejtësi dhe ndryshimin e kufijve