Juventusi nuk di të ndalet në kampionat dhe sot ka marrë fitoren e radhës duke pritur në qetësi ndeshjen e Ligës së Kampionëve që në mesjavë ndaj Atletiko Madridit. Të besuarit e Alegrit kanë fituar me lehtësi ndaj Frosinones, duke e mundur me rezultatin e pastër 3-0.
Paolo Dibala ka qenë ai i cili ka zhbllokuar rezultatin në minutën e 6 me anë të një supergoli. Pas një pasimi që mori nga Ronaldo, Dibala ka lëshuar një silurë nga distanca që është ndalur në trekëndësh. Vetëm pak minuta më vonë, ka qenë Bonuçi ai i cili në minutën e 17 ka dyfishuar rezultatin.
Në pjesën e dytë ka pasur kohë edhe për një tjetër gol dhe nuk mund të mungonte Ronaldo që është kthyer në një makinë golash në Itali. Ai ka shënuar edhe golin e tretë në minutën e 63, duke vulosur fitoren e Juventusit. Kjo fitore, e mban skuadrën bardhezi në vendin e parë me 14 pikë më shumë se Napoli i vendit të dytë.