350 automjete janë kontrolluar gjatë ditës së sotme nga Policia Rrugore e Elbasanit. Në një njoftim thuhet se prej tyre, 125 automjete janë konstatuar me masa administrative të pashlyera. Për drejtuesit e automjeteve është bërë tërheqja e lejes së qarkullimit.
15 makina janë konstatuar “Alert” nga radari automatik për tejkalim shpejtësie. Për këto raste është tërhequr dokumentacioni i automjetit. 12 drejtues automjetesh janë ndëshkuar për mosvendosje të rripit të sigurimit.
10 drejtues automjetesh janë kapur duke përdorur celularin gjatë drejtimit të makinës. 28 drejtues automjetesh janë ndëshkuar administrativisht, pasi janë konstatuar pa kryer kontrollin teknik të automjetit.
15 drejtues të tjerë janë ndëshkuar për shkelje të ndryshme të Kodit Rrugor.
“Kontrollet do të vijojnë në të gjitha akset rrugore urbane, interurbane dhe rurale, me qëllim rritjen e parametrave të sigurisë rrugore”, njoftoi policia.