Pronari i Gega Oil i cili u shpall në kërkim për evazion fiskal ka reaguar lidhur me akuzat ndaj tij. Në një prononcim për News 24 ai thotë se ndodhet me pushime në Greqi.
“Sot mësova nga mediat që jam në kërkim për evazion fiskal. Dje u nisa në Greqi për pushime, para dy muajsh i prenotova, prenotimi verifikohet në agjencinë turistike”, mësohet të ketë thënë Gega. Ai mohon akuzat duke thënë se është pagues i rregullt.
Paraditen e sotme policia bëri të ditur se Gega akuzohet për evazion fiskal në shuma të konsiderueshme dhe pastrim parash dhe se ishte larguar një ditë më parë nga Shqipëria.
