Këngëtari i mirënjohur amerikan Justin Bieber ka anuluar koncertin e tij që do të mbahej pas disa ditësh pasi rezultoi i infektuar me Covid-19. Ai do të performonte ne turneun e tij të quajtur “Justice World Tour” ku koncerti i radhës ishte programuar të mbahej te dielën në Las Vegas. Mediat e huaja raportojnë se gjendja e tij nuk është shqetësuese dhe artisti po kalon simptoma të lehta.
Në një njoftim të shpërndarë nga stafi i këngëtarit është bërë publik lajmi për infektimin e tij. Ndër të tjera, aty thuhet se Justin ndjehet shumë i zhgënjyer për këtë shtyrje, por shendeti i grupit pranë tij dhe fansave të shumtë është primar.
“Për shkak të rezultateve pozitive të Covid brenda familjes së Justice Tour, për fat të keq do të na duhet të shtyjmë shfaqjen e së dielës në Las Vegas. Justin është sigurisht jashtëzakonisht i zhgënjyer, por shëndeti dhe siguria e ekuipazhit dhe fansave të tij është gjithmonë prioriteti i tij numër një.
Nisja e turneut në San Diego ishte një sukses masiv, dhe Justin është i emocionuar për të sjellë këtë shfaqje spektakolare për fansat e tij në Las Vegas sa më shpejt të jetë e mundur. Data e riplanifikuar për në Las Vegas do të jetë e marta, 28 qershor. Rimbursimet janë të disponueshme në pikën e blerjes.”, thuhet në deklaratë.
Due to a covid outbreak within the team, Justin Bieber’s Justice World Tour show scheduled to take place in Las Vegas, Nevada has been rescheduled to June 28, 2022. pic.twitter.com/Tqgrktefjn
— Justice Tour Updates (@JusticeTourNews) February 20, 2022