Deputeti i Partisë Demokratike Luçiano Boçi, njëherazi edhe pedagog ka qenë i ftuar sot në emsionin “Ditë e re” në Ora News.
Boçi ka bërë një pasqyrim të aktualitetit politik në vend dhe ka folur për sfidat e reja për opozitës, në fokus të të cilës mbeten protestat si një formë për të hequr ‘makijazhin’ e qeverisë, përcjell Tirananews.al
Ndër të tjera, Boçi ka hyrë nën petkun e profesionit duke folur për komunikim publik të liderave si Edi Rama, Sali Berisha apo Lulzim Basha.
‘Rama përpiqet ti imponohet publikut, madje citon edhe Konicën, Nolin etj, për tu dukur më interesant…’-tha deputeti Boçi, Fill pas këtij komenti, ka ndërhyrë moderatorja e emsionit ‘Ditë e Re’ e cila i është drejtuar deputetit të PD duke i thënë se “Rama ka stil, nuk mund t’ja mohojmë, është i paparë me PR (marrëdhëniet me publikun).
Kjo ndërhyrje e Dajanës duket se e ka vënë në vështirësi deputetin demokrat i cili u shpreh se është e vërtetë qe Rama ka stil të veçantë në ligjërim, por ky stil tanimë është i tejngopur, i përsëritur, herë-herë edhe kopje.
Përsa i përket stilit ligjërues të ish-kryeministrit Berisha, Boçi u shpreh se “Berisha kishte stil kalorsiak, me deklarata të rrufeshme”.Ndërsa Basha është rracional, por edhe lakonik”-tha ai.
/Tirananews.al